Li Iraqê xwepêşandanên gel ên li dijî gendeliyê û erkdarkirina Elawî didomin. Îro careke din xwendekaran bi xwepêşandanên xwe destek dan daxwazên xwepêşandêrên ku bi mehane, li qadan in.
Xwendekar îro li Bexda, Zîqar, Dîwaniye, Besra, Kerbela û Necefê daketin qadan.
Xwendekaran tûndiya li dijî xwepêşandêrên aştiyane, şermezar kirin.
Li Necefê xwepêşandêran li dijî El-Sedir hêrsa xwe nîşan dan û ew bi xwîna xwepêşandêrên Iraqê tewanbar kirin.
Li aliyekî din komîteya ewlehî û parastinê ragihand ku wan ji bo lêpirsîna di mijara tûndiya li dijî xwepêşandêran de, komîteyek ava kirine.
Parlementer Katih El-Rikabî diyar kir ku hemû lêpirsîn bi dawî bûne û tenê ya Zîqar maye.
Parlementer da zaîn ku dê encam di nava du hefteyan de yan jî piştî avakirina hikûmeta nû, bi raya giştî re werin parvekirin.
