Li Sûdanê pêşveçûna Hêzên Piştgiriya Lezgîn dewam dike.
Bajarê herî mezin ê Sûdanê El-Feşîr li gor vê pêşdeçûnê dikeve destê Hêzên Piştgiriya Lezgîn.
Heya niha jî li bajêr şer dewam dike, sazî û rêxistinên Sûdanê êrişên hêzê weke qirkirin binav dikin.
Li gorî ragihandina çalakvan û rêxistinên alîkariyê, hêzên paramîlîter ên Sûdanê ango Hêzên Piştgiriya Lezgîn, bingeha leşkerî ya girîng li herêma Darfûra rojava ye, bi dest xist.
Ev pêşveçûn, ji sala 2023’an ve şerê ku welat tê de ye, ji bo artêşê darbeyek mezin e.
Komên bijîşkî ragihandin ku bi dehan sivîl mirine.
Li El-Faşir, paytexta eyaleta Bakurê Darfûrê, zêdetirî 250 hezar kes, nîvê wan zarok in, di nava şer de asê mane.
Ger ku bajar bikeve destê Hêzên Piştgiriya Lezgîn, piştî zêdetirî 10 salên serxwebûna Sûdana Başûr, dibe ku Sûdan dîsa parçe bibe.
Di roja Duşemê de hate ragihandin ku şer li derdora balafirgeh û li rojavayê bajar hêj berdewam dike.
Komîteyên Berxwedanê yên El-Faşir diyar kirin ku artêşa Sûdanê ji bo karibe bersiva êrişên Hêzên Piştgiriya Lezgîn bide piştgiriya wê ya hewayî tune ye.
Ofîsa Mafên Mirovan a Neteweyên Yekbûyî ragihand ku çekdarên Hêzên Piştgiriya Lezgîn li El-Faşir zilm kirine.
Ofîsê dibêje sivîlên ku hewl didin birevin têne darvekirin û nîşan hene ku ev kuştin ji ber sedemên etnîkî ne.
Her wiha tora Bijîşkên Sûdanê êrişa Hêzên Piştgiriya Lezgîn wekî “qirkirineke tirsnak” binav kir û ragihand ku bi dehan kes mirine.
Hate gotin ku çekdarên Hêzên Piştgiriya Lezgîn li hin deverên El-Faşir nexweşxane û tesîsên tenduristiyê yên din talan kirine, “parçeyên binesaziya tenduristiyê ya ji bo jiyanê krîtîk tune kirine”.
Li Sudanê bi hezaran kes malên xwe terikandin
Tora Mafên Mirovan a Darfûrê diyar kir ku Hêzên Piştgiriya Lezgîn zêdetirî hezar sivîl girtine û ev yek “armancgirtina sîstematîk a sivîlan, girtinên keyfî û kiryarên ku dibe ku sûcên şer bin” e.
Di nav girtiyan de, yek ji çend rojnamevanên ku li bajar mabûn, nûçegihanek herêmî jî heye.
Sendîkaya Rojnamevanên Sûdanê hişyarî da ku li El-Faşir “binpêkirinên komî yên mîna yên sala 2023’yan li Geneina” dibe ku çêbibin.
Di wê salê de çekdarên Hêzên Piştgiriya Lezgîn li Geneina bi sedan kes kuştibûn.
Sendîkaya Bijîşkên Sûdanê diyar kir ku Hêzên Piştgiriya Lezgîn El-Faşir kiriye “qada qirkirineke hovane”, polîtîkaya rêxistinê “polîtîkaya barbarane ya ji bo tirsandin û tunekirina sivîlan” e.
Li gorî UNICEF’ê, berî êrişa Yekşemê li El-Faşir 260 hezar sivîl, nîvê wan zarok, asê mabûn.
Rêxistina Koçberiya Navneteweyî ya Neteweyên Yekbûyî ragihand ku zêdetirî 26 hezar kes malên xwe terikandine û berê xwe dane deverên gundewarî û bajarokê Tawila.
Ji aliyê din ve, hate ragihandin ku şervanên Hêzên Piştgiriya Lezgîn di dawiya hefteyê de li bajarokê Bara yê herêma Kordofanê bi kêmanî 47 kes – di nav de neh jin – kuştine.
