Wezareta derve ya Îranê da zanîn ku Amerîka ceza li karmendên Îranî li Neteweyên Yekbûyî biriye.
Li gel vê yekê Xameneyî dibêje tevî kêmasiyan jî li Îranê pêşketinên mezin çêdibin.
Heman demê Pastarên Îranê kuştina yek jê fermandar 4 endamê xwe eşkere kir.
Wezareta Derve ya Îranê derbarê sînordarkirinên dîplomatên xwe daxuyaniyek da.
Wezaretê ji Neteweyên Yekbûyî xwestiye ku sînordarkirinên li ser nûnertiya dîplomatîk a Îranê li Neteweyên Yekbûyî rawestînin.
Di daxuyaniyê de biryara Wezareta Derve ya Amerîkayê ya astengkirina çalakiyên berdewam ên 3 karmendên mîsyona Îranê li New Yorkê hat şermezarkirin.
Her wiha nehatiye diyarkirin ka ev qedexe kengî hatine sepandin, lê di Îlona îsal de, Amerîkayê qedexeyên giran li ser şandeya Îranî ya ku bi Serokê Îranê Mesûd Pezzeşkiyan re bû sepandibû.
Îran kiryarên DYA li ser dîplomatên wê li ny şermezar kir
Nûnerên Îranê ji bo beşdarbûna Civata Giştî ya Neteweyên Yekbûyî çûbû New Yorkê, Amerîka li wan ceza birîbû, di nav cezayan de sînordarkirina tevgera wan û qedexekirina gihîştina firoşgehên kelûpelên luks û hwd.
“Destpêkirina sînordarkirinên berfireh li ser rûniştin û tevgera dîplomatên Îranî, tundkirina sînordarkirinên li ser hesabên bankayê.
Û sepandina sînordarkirinên li ser kirînên rojane di nav zext û tacîzên ku têne kirin de hene.
Ev kiryara Amerîka ji bo têkbirina erkên normal û yasayî yên dîplomatên Îranê ye.”
Berî qedexeyên Îlonê, destûr hebû ku endamên şandeya Îranî di navbera avahiya NY, mîsyona Îranê li NY, cihê rûniştina balyozê Îranê li NY û Balafirgeha Navneteweyî ya John Kennedy de rêwîtiyê bikin.
Aloziyên di navbera Tehran û Washingtonê de piştî ku her du welatan pênc dewreyên danûstandinên nerasterast ên Nukleerî lidar xistin, zêde bûn,
Ew dan û sitendin di meha Hezîranê de bi şerekî hewayî yê 12 rojî bi dawî bûn ku tê de Îsraîl û Amerîkayê tesîsên Nukleerî yên Îranê bombebaran kirin.
Xameneyî: Tevî kêmasiyan welat bi pêş ve diçe
Her wiha Elî Xameneyî êrîşên li ser nasnameya olî, dîrokî û çandî ya Îranê rexne kir û îdia kir ku gelê Îranê bi berxwedana neteweyî ev hewldanan têk biriye.
Heman demê Xameneyî diyar kir welatê wî tevî pirsgirêk û kêmasiyan jî pêş dikeve.
Pasdarên Îranê kuştina 4 leşkerên xwe eşkere kir
Li aliyek din Pasdarên Îranê kuştina 4 leşkerên xwe di êrîşeke çekdarî de li bajarê Zahedanê ragihand.
Her wiha hat diyar kirin ku di êrîşê de fermandarê operasyonên Pasdaran jî hatiye kuştin.
Komekî bi navê Eniya Şervanên Gel berpirsiyariya êrîşê girtiye ser xwe.
