Hevseroka MSD’ê Leyla Qereman guhertinên siyasî li Sûriyê di sala 2025’an de nirxand.
Leyla Qereman diyar kir ku jin hevkarên neteweyî yên bingehîn in.
Her qiha destnîşan kir ku nenavendîbûn rêya wan a bingehîn e û got:
Em bang li sûriyan û hêzên siyasî dikin ku ji bo çareserkirina pirsgirêkên Sûriyê diyalogeke neteweyî bikin.
Hevseroka Meclisa Sûriyeya Demokratîk (MSD) Leyla Qereman li ser rewşa giştî ya Sûriyê, rewşa jinên Sûriyê, di sala 2025’an de axivî.
Leyla Qereman diyar kir ku 2025 saleke tijî qonaxên girîng bû û got:
Ji van qonaxên girîng hilweşîna rejîma Baasê bû.
Ev destkeftî bi saya fedakarî û hewldanên gelê Sûriyê pêk hat.
Leyla Qereman: Peymana 10’ê Adarê ji bo Sûriyê xaleke xilasiya ji karesatek mirovî ye
Leyla Qereman da zanîn ku peymana 10`ê Adarê ji bo Sûriyeyê xaleke xilasiya ji karesatek mirovî bû û got:
Vê peymanê hestek rehetiyê di nav Sûriyê de çand û ji bo wan bû çavkaniyeke aramiyê.
Divê peymana 10`ê Adarê bi yek bendê anku entegrekirina QSD’ê di nav artêşa Sûriyê de, neyê sînordarkirin.
Leyla Qereman: Paşguhkirina jinan li Sûriyê wan dixe ber qonaxeke nû
Hevseroka MSD’ê diyar kir ku mafên jinên Sûrîyê “di Sûrîyeya nû de ne mijara tawîzan e” û wiha bi lêv kir:
Divê jin di pêvajoya avakirina Sûrîyeyek dadmend, aram û domdar de bibin hevkarên çalak.
Jin dikarin bibin pêşengên rêya yekitiya neteweyî li Sûriyê û pêvajoya siyasî sererast bikin:
Em hemû jinên Sûriyê re têkilî dikin da ku wan bigihînin hev.
Leyla Qereman: Stratejiya neteweyî ji bo hêzkirina jinên Sûriyê girîng e
Leyla Qereman bal kişand ser stratejiya wan a neteweyî ji bo hêzkirina jinên Sûriyê û got:
MSD’ê ji bo jinan cîhek ewle peyda dike, em ê vê cihê di demên pêş de ferehtir bikin.
Divê hikûmeta veguhêz bixebite ji bo rawestandina zimanê nefretê, çandina nirxên hezkirinê û destpêkirina pêkanîna edaleta veguhêz.
Leyla Qereman: Em banga diyaloga neteweyî dikin
Leyla Qereman bang li sûriyan û hêzên siyasî kir ku ji bo gotûbêjkirina mijarên çaresernebûyî diyalogeke neteweyî bikin.
Her wiha Leyla Qereman bi boneya sala 2026`an peyameke pîrozbahiyê da û hêviya xwe anî ziman:
Hêvî dikim ev sal bibe saleke hevgirtin, yekitî, başbûn û pêşketinê, saleke vegera ewle û têkoşîneke nû ji bo jinên Sûriyê.
