Li Îranê daxwazên gel bi cih nayên berovajî bi tundiya hikumetê re rû bi rû dimînin.
Xwepêşandan dewam dikin, rejima Îranê jî bikaranîna tundiyê êrişî gel dike.
Li seranserî welêt bi sedhezaran kes daketin kolanan, polîtîkaya rejimê şermezar kirin.
Piştî greva bazirgan û bazarvanên Tehranê ji bo protestokirina zêdebûna bêserûber a nirxa dolar, roja Yekşemê 28’ê Çile pêlek nû ya xwepêşandanên seranserî li bajarên cuda yên Îranê dest pê kirin.
Xwepêşandan bi lez li seranserê welêt belav bûn û xwepêşanderan dirûşmeyên dijî hikûmetê qêriyan.
Li Îranê bihayên nirxê dolar û zêr bilind dibin
Li gorî medyaya navxweyî ya Îranê, nirxa dolar ji 147 hezaran derbas bûye.
Ew jî nîşan dike, gel nema dikare tehemol bike.
Hêzakirîna gel rojane dadikeve û ji bo debara jiyanê 24 saetan jî bixebitin têra wan nake.
Tevî tepeserkirinê jî xwepêşandan li seranserî welêt berdewam dikin
Seranserê Şevê li Baytex Tehran, Meşhed, Isfehan, Kirmanşan, Îlam û gelek bajarên din bi sed hezaran kes li qadan bûn.
Li Bajarê Îlamê şerên dijwar di navbera xwepêşanderan û Polîsan de rû dan û di encamê de Bajarokê Melekşahî û Awadana bi tevahî ket destê gel.
Her çend hêzên rejîma Îranê di derengiya şevê de hejmarek mezin hêz şandin herêma Îlamê jî, gel kolan bernedan û heya sibehê pevçûnan dewam kirin.
Li Îranê ji ber serhildanên gel 36 kesan jiyana xwe jidest dane
Li gorî Ajansa Nûçeyan a Aktîvîstên Mafên Mirovan (HRANA) bi beşdariya tevgerên xwendekaran protestoyên li kolanan li seranserê welêt belav bûne.
Hate ragihandin ku li deverên coda hêzên ewlekariyê li nexweşxaneyan tedawîkirina birîndaran asteng kirine.
Li gorî HRANA’yê di dema çalakiyên şermezarkirinê de herî kêm 36 kesan jiyana xwe ji dest dan, zêdeyî 2 hezar kes jî hatin binçavkirin.
Daxwazên ku di çalakiyan de tên ser ziman ne tenê pirsgirêkên aboriyê ye.
Her wiha rexne li rêveberiyê tê kirin û daxwazên edalet û azadiyê têne kirin.
Ji kesên jiyana xwe ji dest dan 4 ciwanên kêmî 18 salî û 2 hêzên ewlekariyê jî hebûn.
Medya fermî ya Îranê diyar kir ku 568 polîs û 66 endamên Besîc birîndar bûne.
Di xwepêşandanên zanîngeha şîrazê de pevçûnên dijwar rû dan
Zanîngeha Şîrazê şahidiya yek ji kombûnên herî qerebalix ên nerazîbûna xwendekaran kir.
Li gorî nûçeyên hatine belav kirin, xwepêşandanên li Zanîngeha Şîrazê di rewşekê de pêk hatin ku saziyên hikûmetê banga komên alîgirê xwe kiribûn.
Hikumetê dixwast bi wê rêbazê çavê ciwanan bitirsîne lê bi ser neket.
Çend demjimêr şûnda, ji ber ku hejmara xwepêşanderan zêde bû, xwendekar karîn ber bi meydana zanîngehê ve biçin.
Piştre, di navbera xwendekaran û hêzên hikûmetê de pevçûn derketin û gelek kes birîndar bûn.
Şahidên bûyerê ragihandin ku hêzên hikûmetê di van pevçûnan de bi gaza îsotê û amûrên tûj êrîşî xwendekaran kirine.
Her wiha li Seranserê Îranê xwepêşandan didome.
