Parlamena Lîbî 12 merc bo tevlîbûna danûstandinan danîn

Piştî herdu aliyên şer ên Lîbyayê danûstandinên xwe yên siyasî li Cinêvê rawestandin, Parlamena bi ser Artêşa Niştimanî ve, 12 mercên tevlîbûnê ragihand.

Parlamena Lîbî diyar kir ew ê beşdarî civîna bê nebin, ji ber şandeya NY ya li Lîbyayê li ser her 13 nûnerên wan erê nekir.

Lê Meclisa Dewletê ya hikumeta Wîfaqê ragihand ew ê li benda pêşketinên danûstandinên leşkerî bimînin.

Di nava mercên parlamenê de, jihevxistina komên çete û komên bi ser Wîfaqê ve û tenê çek di destê Fermandariya Giştî ya Artêşa Niştimanî de bin.

Her wekî avakirina Mecliseke Serokatiyê, hikumeteke Niştimanî û hilbijartên parlamenî û serokatî jî hatin xwestin.

Piştî civînên danûstandinên leşkerî bo agirbestê, tê payîn, forumeke siyasî Lîbî sibe li Cinêvê were lidarxistin.

Back to top button