Hêzên Rizgariya Efrînê li navçeya Şêrawa ya Efrînê li dijî artêşa Tirk a dagirker çalakiyek kir û di encama çalakiyê de 2 leşkerên dagirkeriya dewleta Tirk hatin kuştin û 4 jî birîndar bûn.
Hêzên Rizgariya Efrînê derbarê çalakiyê de daxuyaniyek da û ev agahî da:
24ê Sibatê li nêzî gundê Birc Heyder yê navçeya Şêrawa hêzên me li hemberî artêşa Tirk a dagirker çalakiyek sabotajê li dar xistin.
Di encama çalakiyê de 2 leşker hatin kuştin, 4 leşker jî birîndar bûn.
Hêzên Rizgariya Efrînê diyar kir ku heman rojê dewleta Tirk da dagirker herêm topbaran kir.
Ji ber topbaranê sivîlek şehîd û 2 jî birîndar bûn.
Her wiha balafirên şer û yên keşfê li ser herêmê firiyan.
