Hevserokê Partiya Herêmên Demokratîk DBP’ê Keskîn Bayindir diyar kir ku tendirustiya Ocalan ji bo Kurdan û gelên Rojhilata Navîn gelek girîng e. Bayindir anî ziman ku ew ji ber şewata li Girava Îmraliyê bi gumanin ji ber vê yekê divê bi lezgînî parêzerên Ocalan biçin Imraliyê û rastiyê ji gelê Kurd û raya giştî re eşkere bikin.
Hevserokê Partiya Herêmên Demokratîk (DBP) Keskîn Bayindir, derbarê şewata li Girava Imraliyê ji ajansa ANF’ê re axivî.
Keskîn Bayindir diyar kir ku şewata li Îmraliyê qewimiyê bi zane bûn hatî kirin,dewleta tirk bi vê yekê dixwaze komployek nû di şexsê Ocalan de li dijî kurdan bike.
Bayindir destnşîan kir ku tendirustiya Ocalan ji bo Kurdan û gelên Rojhilata Navîn gelek girîng e û got:
Em ji vê rewşê bi gumanin.
Divê hikûmet li gorî rol û rista rêber Ocalan derkeve û bi lezgînî parêzer biçine Îmraliyê
Keskîn Bayindir: Tecrîd, encama biryarên siyasî ye
Bayindir îşaret bi tecrîd girankirî ya li ser Ocalan kir û anî ziman ku ev tecrîd encama biryarên siyasî ye û diyar kir ku tenê bi berxwedanê ev tecrîd dikare were şikandin.
Keskîn Bayindir: aştiya civakê, Rêber Ocalan e
Bayindir teqez kir ku Ocaln bi rêyên demokratîk û aştiyê xwestiye pirsgirêka Kurd bê çareserkirin û wiha got:
Birêz Ocalan 2013’ê gotibû, “eger pirsgirêka Kurd neyê çareser kirin, wê şerekî mezin û kûr bê destpêkirin.
