Corona..Dewleta Tirk yekem mirin ragihand

Li Tirkiyê, kesê duyemîn bi vîrûsa corona mir, çalakger û muxalefet jî dibêjin desthilatên welêt rastiyê vedişêrin.

Li Başûrê Kurdistanê jî ji bo pêşîgirina li belavbûna vîrûsê, qedexa derketinê heta 5 rojên din hat dirêjkirin.

Heya astekê, Tirkiyê xwe ragirt û zû bi zû nûçeyên der barê belavbûna coronayê de neda.

Lê belavbûna virûsê re û nişandana bertekan re, her çiqas tê gotin daneyên tên goton ne rast in, jî lê êdî neçar ma ku li belavbûna virûsê mikur were.

Li Tirkiyê doh mirina yekê hatibû tumarkirin.

Îro jî kesekî din ji ber vîrûsê mir û jimara kesên ku bi vîrêsê ketî jî ji 98 gihişt 191 an.

Demirtaş: Divê AKP’ê rastiya Corona ji xelkê re ragihîne

Hevserokê HDP’ê yê berê Selahattin Demirtaş, bi riya twitterê, bang li hikumeta AKP’ê kir ku bi gel re rast be û her tiştî têkildarî corona ji wan re bibêje.

NationalInterest: Bi nixumandina rastiyê, Tirkiye gel ber bi bobelatekê ve dibe

Berî çend rojan, kovara The National Interest a Amerîkî ji siyaseta nixumandinê ya dewleta Tirk der barê belavbûna coronayê de hişyar kiribû, ku helbet ev yek wê gelên Tirkiyê ber bi bobelateke mezin ve bibe.

Tirkiyê, 19 kes ji ber nûçeyên Corona binçav kirin

Corona, siyasta dewleta Tirk a binpêkirinan hîna eşkeretir kir..

Wezareta Hindir a Tirkiyê, li pey belavokên torên civakî dikeve û Duşema borî 19 kes binçav kirin.

Ji ber vîrûsa Corona Iraqê biryar da ku girtiyan berde

Virûs li Iraq û Başûrê Kurdistanê jî belav dibe.

Wezareta Tenduristiyê ya Iraqê ragihand ku 10 kesên din bi vîrûsa koronayê ketine û jimara giştî gihaşt 164 kesan, her wiha li Bexdayê jî kesek mir.

Ji ber metirsiya belavbûna vîrûsa koronayê, Wezareta hindirîn ya Iraqê biryar da ku kesên dibin çavan de berde.

Serokê dadgeha Hewlêrê jî bang li hikumet û parlamentoya Herêma Kurdistanê kir ku, efûya gitşî derbixe.

Li Başûrê Kurdistanê qedexeya derketinê heta 5 rojan hat dirêjkirin

Wezareta Karên Navxweyî ya Başûrê Kurdistanê ji ber virûsa Coronayê di 13’yê Adarê de, biryara qedexekirinê ji bo 48 saetan dabû, piştre jî 72 saetan hatibû dirêjkirin.

Niha jî bo 5 rojên din hate dirêjkirin.

Li Îranê jî hîna vîrûs bi xurtî belav dibe û nayê kontrolkirin.

Di 24 saetên dawî de 147 kesên din mirin û 192 kesên din bi vîrûsê ketine

Sekreterê Giştî yê Meclisa Ewlehiya Netewî ya Îranê Elî Şemxanî bang li Amerîka kir ku, derbarê rola xwe ya di çêkirin û belavkirina vîrûsê de, bersiv bide.

Back to top button