Komek jinên DAIŞ’ê hewl dan ji kampa Holê birevin

Hêzên Ewlekariya Hundirîn li Kampa Holê hewldana reva jinên DAIŞ’ê têk bir.

Di nava jinên hewl dan birevin de jineke ku di navbera jinên DAIŞ’î yên li kampê û çeteyên DAIŞ’ê yên li parêzgeha Idlibê de koordîne dikir jî heye.

 

Vê sibehê derdora 5 jinên DAIŞ’î ku welatiyên Rûsyayê ne tevî 13 zarokan, hewl dan ji kampê birevin.

Piştî kamîreyên çavdêriyê û parêzvanên kampê liv û tevgera jinan şopand hewldana wan negiha serî û jinên DAIŞ’î hatin girtin.

Di nava koma jinên ku dixwestin birevin de, jineke ku di navbera jinên DAIŞ’î yên li kampê û çeteyên DAIŞ’ê yên li parêzgeha Idlibê de koordîne dikir, hebû.

Jina binavê Seyîda Mewlûd Sultan ku hevsera serçete û berpirsê kar û barên rêveberiya malbatên çeteyên DAIŞ`ê yên biyanî Hesen Yaqub e.

Li Kampa Holê zêdetirî 40 hezar malbatên çeteyên DAIŞ`ê yên Sûrî, Iraqî û biyanî hene.

Back to top button