Li Çînê rewşên nû tine ne

Tevî ku welatên cîhanê bi şidandina tedbîran hewl didin ku pêşiya vîrûsa corona bigrin, lê vîrûs bê navber belav dibe.

Rêxistina Tendiristiyê ya Cîhanê diyar kir ku li parzemîna Afrîkayê dibe ku ji ber vîrûsa corona, pergala tendiristiyê hilweşe.

Jimara qurbaniyan li seranserê cîhanê, 11 hezar jî derbas kir.

Vîrûsa corona ku li Çînê derket û li cîhanê belav bû, li jêdera xwe kêm dibe.

Îro roja sêyem e ku li Çînê ti rewşên nû yên vîrûsê nayên tespîtkirin.

Li Koreya Başûr jî 147 rewşên nû hatin tomarkirin û jimara giştî derket 8 hezar û 799 kesan.

Li welatên ereban jî vîrûs belav dibe.

Tenduristiya Ceza’irê mirina 12 kesan bi vîrûsê ragihand.

Li Imarata Erebî jî ji ber vîrûsê 2 kes mirin.

Her weha li Misrê kesek bi vîrûsê mir û 29 rewşên nû hatin tomarkirin. Her wiha hemû dêre û mizgeft jî hatin girtin.

Li Urdunê jî qedexeya çûnûhatinê hat raghandin.

Vîrûs li Ewropa jî belav dibe

Vîrûs li Ewropa jî bê navber belav dibe.

Li Welatê Ewropa yê ku ji vîrûsê pir bandor bûye û jiyan lê rawestiya ye Îtalya jî, di nava 24 saetên dawî de 627 kes bi vîrusê ketin û jimara kesên mirine jî zêdetirî 4 hezaran e.

Li welatekî din ê Ewropa ku vîrûs zêde lê tê dîtin Ispanya ye. Li welat îro 324 rewşên nû hatin tomarkirin û jimara miriyan gihaşt hezar û 326 kesan.

Li Siwîsre jî kombûna zêdetirî 5 kesan hat qedexekirin û hat raghandin ku kesê vê yekê pêk neyînin wê cezayê pereyan li wan were birîn.

Li Holenda jî 30 kes mirin û 637 kes bi vîrûsê ketin.

Li Rûsiya jî ku vîrûs hîna belav dibe, 53 kesên din bi vîrûsê ketin.

vîrûs li amaerîka jî şax berdide

Li Parzemîna Amerîka jî vîrûs belav dibe.

Li Newyorkê ku vîrûs pir lê belav bûye, 650 kes bi vîrûsê ketin û jimara giştî bû 5 hezar û 151 kesan.

Li Meksîkê jimara kesên bi vîrûsê ketine 200 û li Keneda jimara kesên bi vîrûsê ketine hezar derbas kir.

Li Kûba jî ji bo pêşîgirtina li vîrûsê sînor li hember kesên ne niştecihên welat in, hat girtin.

Her wiha li Washington, Israîl, Finlenda û Paragwayî jî yekem rewşa mirinê hatin raghandin.

“Dibe ku pergala Tenduristiyê ya Afrîka hilweşe”

Rêxistina Tendiristiyê ya Cîhanê diyar kir ku li parzemîna Afrîkayê dibe ku ji ber vîrûsa corona, pergala tendiristiyê hilweşe.

Rêxistina her wiha bang li nifşên ciwanan kir ku li dijî gefên vîrûsê, hişyar bin û xwe biparêzin.

Ji ber virûsê heta niha li tevahiya cîhanê 287 hezar û 325 kes bi vîrûsê ketine, ji wan 11 hezar û 893 kes mirine û 93 hezar û 617 kes jî rihet bûne.

Back to top button