Piştî civîna lûtkeya G20 ku li ser avakirina eniyeke navdewletî hat lihevkirin, Fransa û Amerîka jî ji bo rûbirûbûna nexweşiya Coronayê ketin tevgerê.
Piştî lûtkeyê, Serokê Fransî Macron ragihand, “wan, Amerîka û hinek welatên din “destpêşxeriyeke nû û girîng” ji bo rûbirûbûna Coronayê dane destpêkirin.
Piştî peywendiyeke telefonî bi Trump re, Macron bi twittekê nivîsand:
“Me di rêya G20 û her 5 welatên endam ên Konseya Ewlekariyê re, li ser girîngiya hevkariyê li hev kiriye.
Ji bo em karibin aborê xelas bikin, em ê destekê bidin Rêxistina Tenduristiyê ya Cîhanî, Sindoqa Darayî û Banka Navdewletî”.
Îro jî, Serokê Çînî ji Trump re teqez kir ew ê ji bo Corona alîkariyê bidin wan.
Ji bo heman mijarê, duh welatên G20 civînek li ser enterntê li dar xist.
Hemû aliyan li ser avakirina eniyeke navdewletî li hev kir û serokê Rûsî Putin diyar kir ku pêwîst e sindoqeke taybet di bin rêveberiya NY bê avakirin.