Êrîşên dewleta Tirk a dagirker li ser herêmê berdewame, vê şevê gundên navçeya Zirganê ya Serê Kaniyê hatin topbarankirin.
Dewleta Tirk a dagirker, derdroa saet 7’ê şevê de gundê Rebîat, Mihermel û Gûliyê yên nêzî navçeya Zirganê bi dijwarî topbaran kirin.
Her wiha dagirkeriyê nuqteyek rêjîma Sûrî li nêzî navçeya Zirganê topbaran kir.
Tevî hedefgirtina benzînxaneykê li ser riya navçeyên Kesra û Zirganê.
Ev êrîşa dagirkeriyê jî derdora saetekê ser herêmê dewam kir.
Nûçegehanê me ragihand ku di encamê topbaranê de 4 sivîl ji gundê Rebîat bi giranî birîndar bûn.
Navê sivîlên ku birîndar bûne jî wiha ne: Mihemned Xidir Sayil ê 40, Heysem Yusif Wezzo ê 25, Cazîye Elî Xirxir ya 30 û Yasîn Remadan Remedan ê 20.
Birîndar jî li nexwşexaneya Til Temir hatin rakirin.
