Ednan El-Zurfî plansaziya xwe pêşkêşî Parlemanê dike

Serokwezîrê erkdarkirî yê Iraqê Ednan El-Zurfî ragihand ku, ew ê plansaziya xwe pêşkêşî Parlemanê bike û teqez kir ku ew ji erka avakirina hikumetê bi paş ve venagere.

El-Zurfî duh bi daxuyanikê diyar kir ku, ew bi awayekî destûrî ji bo avakirina hikumetê hatiye erkdarkirin û eşkere kir ku ji bo avakirna hikumetê, danûstandin berdewam in.

Ednan El-Zurfî ragihand ku ew ê îro şemiyê plansaziya xwe, tevî daxwazeke fermî ya lidarxistina civînekê ji bo standina baweriyê, pêşkêşî parlemanê bike.

El-Zurfî di daxuyaniya xwe de eşkere kir ku, hikumeta wî wê li sar çar eniyan xebatê bike, ew jî ev in:

-Çareserkirina aloziya aborî.

-Sepandina desthilatiya dewletê û serweriya qanûnê.

-Pêkanîna hilbijartinên zelal û azad.

-Xurtkirina pêwendiyên derve.

Serokwezîrê erkdarkirî yê Iraqê Ednan El-Zurfî teqez kir ku ew ji erka xwe ya avakirina hikumetê bi paş ve venagere.

Mijarên Girêdayi

Back to top button
Close
Close