Qonaxa dawîn a Pêngava Bagera Cizîrê bi hemû hêza xwe dewam dike.
Şervanên QSD`ê bi sedan sivîlên din jî ji eniya Hecînê rizgar kirin û ew birin herêmên bi ewle.
Qonaxa dawîn a Pêngava Bagera Cizîrê bi hemû hêza xwe didome.
Şervanên QSD hewl didin sivîlan rizgar bikin û wan ji herêmên şer dûr bixin.
Çeteyên DAIŞ`ê li eniya Hecînê sivîlan wek mertalên zindî bi kar tînin da ku pêşveçûnên şervanan asteng bikin.
Di vê çarçoveyê de li eniya Hecînê di navbera şervanên QSD`ê û çeteyên DAIŞ`ê de şerên dijwar rû didin.
Şênî ji herêmên di bin dagirkeriya çeteyên DAIŞ`ê de direvin û hewl didin ber bi herêmên ewle ve biçin.
Lê çeteyên DAIŞ’ê mayinan li ser rêyan diçînin da ku sivîl ji herêmê dernekevin.
Şervanên QSD`ê jî ji bo rizgarkirina şêniyan korîdorên ewle vekirin û nêzî 700 sivîl ku piraniya wan jin û zarok in, ji eniya Hecînê rizgar kirin.
QSD’ê Sivîl ber bi herêmên ewle ve birin û ji xetên şer ên navbera şervanan û çeteyan dûr xistin.