Rêveberiya Hêzên Amerîkî AFRICOM a li Afrîkayê, ragihand ku fermandarekî payebilind ê Tevgera Ciwanên Somalyayê hat kuştin.
AFRICOMê bi daxuyaniyekê diyar kir ku, 2ê Nîsanê li herêma Boş Medîne ya parêzgeha Bay a Somalyayê, fermandarekî Tevgera Ciwanan Yûsif Cîs di êrîşeke asmanî de hat kuştin.
Li gorî AFRICOMê, 2 çeteyên din jî, di heman êrîşê de hatin kuştin.
Fermandarê Hêzên Amerîkî li Afrîkayê Stephen Townsend da xuyakirin ku Yûsif Cîs fermandarekî sereke yê çeteyên Tevgerê bû û zilm û zorî li sivîlan dikir.
Tevgera Ciwanên Somalyayê ya girêdayî Rêxistina Qayîdayê, navend û piraniya deverên başûrê welêt kontrol dike û ji mêj ve êrîşan li ser hikumeta Somalyayê pêk tîne, da ku serweriya xwe li wir bisepîne.