Tevî girtina sînoran a ji ber vîrûsa coronayê û tedbîrên ewlekariyê li Bakur û Rojhilatê Sûriyê, hikumeta Şamê bi xemsarî tev digere û rêwiyên li Şamê bi riya balafirê dighîne Qamişlo.
Îro balafira 7’an a rêwiyan ji Şamê gihaşt balafirgeha Qamişlo.
Di balafirê de cenazeyek jî hebû.
Tîmên tendirustiyê hewl dan derbasî balafirgehê bibin û rewşa rêwiyan kontrol bikin, lê berpirsên balafirgerhê destûr nedan.
Tevî vê yekî jî dîsa tîmên tendirustiyê li nêzî balfirgerhê li benda rêwiyan ma û rewşa wan qontrol kir.
Kesên ku gihaştin nuqteya tendirustiyê test ji wan re hat çêkirin û li gorî rewşa wan destûra çûna malê hat dayîn.
Kesên bi nexweşiyên mîna şekir, Penceşêr û gelek nexweşiyên din li mala xwe dikevin karantînayê û ew jî heta 14 rojan di bin çavdêriyê de dimînin.
Beriya niha jî Şaneya Aloziyê ragihandibû ku wan ji 90 kesên di bin çavdêriyê de, 86 kes şandine malên wan.