Jina bi navê Metra Îsa, gelek caran ji ber topbarana dewleta tirk a li ser gundê Bab El-Xêr di seferberiyê de ye. Metra li ser jiyana gund a di nava êrîşan de dibêje:” Tevî ku tirkiyê xaka me dagir kiriye dixwaze me bi darê zorê derxîne, em jî dibêjin ev warê me ye û kes nikare me ji axa me derxe, ji ber ku dîrok û nasnameya me li vir e.’
Mirov çiqas bêje tu hevok nikare berxwedana gelê herêmê li hember dagirkeran vebêje ango pênase bike.
Tevî hemû zor û zehmetiyan gel û bi taybet jin dixwazin bi çanda berxwedanê bersiva dijmin bide.
Yek ji wan jinan jî jina temen mezin Metra Îsa ya 60 salî, tevî kurê xwe û 4 neviyên xwe, li gundê Bab El-Xêrê yê girêdayî navçeya Zirganê di nava êrîş û topbaranan de dijîn.
Dayika Metra bal kişand ser êrîşên dewleta tirk ên ser gund û got:
Em di nava jiyaneke seferberiyê de dijîn, dewleta tirk bi şev û roj gundê me topbaran dike.
Ev ax ne milkê bavê wan e, dîrok û nasnameya me li ser vê axê ye, çi dibe bila bibe, emê, ji vir dernakevin.
Metra anî ziman ku ew gelek zehmetiyan di aliyê xizmetguzariyê de dijîn û wiha pê de çû:
Pirsgirêka avê heye, kehrebeya me tune ye, bi sedema nebûna kehrebê bîrên me yên avê jî, ji xizmetê derketine.
Tevî zehmetî û pirsgirêkan dîsa em li gund in.
Dayika Metra destnîşan kir ku gundê ku çete lê bi cih dibin rojane guleyan davêjin û dibêje:
Gelek caran em li çolê û di nav zeviyan de, di vê zivistanê de razane.
Rastiya ku em li vir dijîn, ji wiha xirabtir e, em dixwazin alîkarî û destek ji bo me bê dayin.
Metra Îsa dawiyê bang li civaka navneteweyî kir ku zextê li dewleta tirk bikin da ku ji warê wan derbikevin.
