Komalgeha Jinên Azad ên Rojhilatê Kurdistan KJAR’ê kongreya xwe ya 3’mîn li çiyayên Kurdistanê li dar xist. Di kongreyê de tundî û komkujiyên li dijî jinê hatin nirxandin û ji bo azadiya jinê biryarên bilind-kirina têkoşînê hatin wergirtin.
Komalgeha Jinên Azad ên Rojhilatê Kurdistan KJAR 3’mîn Kongreya xwe di navbera 2 û 4’ê Nîsana 2020’an de bi tevlîbûna delegeyên ji hemû qadan, li çiyayên Kurdistanê pêk anî.
Kongre 3 rojan dewam kir û bi dirûşmeya ‘ Bi rêxistinbûna jinên Rojhilat, emê neteweya demokratîk ava bikin’ bi necam bû.
Di destpêka kongreyê de endama Koordînasyona KJAR’ê Dîlan Cûdî axivî û got:
Êdî tevahî gel û jinên azadixwaz dizanin, ku hêzên desthilatdar û dagirker ji mirovan re azadiyê naynin.
Îro bi îdeolojiya rizgariya jin me erkên pêşengiyê girtiye ser mile xwe û di pêşengiya jinê de li hember dagirker û qirkeran bi rengekî bêhempa têdikoşin.
Piştî axaftinan rewşa siyasî û rêxistinî bi berfirehî hate nirxandin.
KJAR soza domandina têkoşîna li dijî tundiya li ser jin dide
Kongre di Roja 3’an de bi rojevên plansazî û hilbijartinan û encam-nameyekê bi dawî bû.
Plansaziya 2 salên pêşiyê di kongreyê de hat diyarkirin.
Hin ji xalên sereke yên Plansaziyê weha ne.
*KJAR, azadiya Rêber Ocalan dike navenda hemû xebatên xwe û li ser esasê pêkanîna vê, xwe birêxistin dike.
*Li hemberî pêkanîn û polîtîkayên tecrîda li hemberî azadî, tendûristî û ewlehiya Rêber Ocalan tê pêşxistin, têkoşîneke giştî bê meşandin da ku tecrîda li Îmralî parçe bibe û bi Rêber APO re azad bijîn.
*Li ser pirsgirêk û pêdiviyên jinê pêşxistina kampanyan, tekoşîn meşandin û xwe gîhandina tevahî gel û jinan.
*Xebata neteweyî ya jinên Kurd meşandin, bi taybet jî li ser yekitiya jinên Rojhilatê Kurdistanê xebat bên berfirehkirin û konfiransa jin ya Rojhilatê Kurdistanê were li darxistin.
*Li hember tundiya li dijî jinan di nava raya giştî de kampanya bê meşandin.
*Ji bo rewşa Zeynep Celaliyan di serî de ji bo azadiya tevahî girtiyên jin ên siyasî bi awayekî bi bandor pêşxistina têkoşîn û çalakiyan.
Di dawiyê kongrê de hilbijartin hat kirin û desteya rêveberiya KJAR’ê ya nû ku ji 15 kesan pêk dihat, hat destnîşankirin.