Şêxê êla El-Binî Esîd Mihemed Sadiq El-Esîdî leşkerkirina ciwanên Sûrî ji bo şerê Lîbayê red kir û diyar kir ku divê ew ji bo berjewendiya welêt bibin yek û xizmeta gelê xwe bikin.
El-Esîdî anî ziman ku Tirkiyê bi şandina leşker, çek û çeteyan ji Lîbyayê re, qanûnên navdewletî binpê dike.
Şêx El-Esîdî destnîşan kir jî, ku şerkirina ciwanên Sûrî li Lîbyayê, ne di berjewendiya gelê Sûrî û Lîbî de ye û got:
“Ciwanên Sûrî yên diçin Lîbyayê, çarenûsa wan mirin e.
Divê ciwanên me, Sûriyê ava bikin, xêrûbêrên wê bi kar bînin û wê ji dewleta Tirk a dagirker biparêzin.
Ne biçin Lîbyayê û li beramberî pereyan, Lîbiyan bikujin û planên Tirkiyê pêk bînin.”