Dewleta Tirk a dagirker careke din êrîş bire ser Başûrê Kurdistanê û komkujiyeke din pêk anî.
Balafirên şer yên dewleta Tirk a dagirker, li bajaroka Şeladizê ya girêdayî navçeya Amediyê wesayîtên sivîlan bombebaran kir. Di bombebaranê de 5 welatî şehîd bûn.
Balafirên şer yên dewleta Tirk a dagirker, îro saet derdora 11.00’an de li gundê Sîda yê li devera Rêkan a Şeladizê wesayîtên welatiyan bombebaran kir.
Li gorî agahiyên ku ji herêmê hatin bi dest xistin di bombebaranê de 5 kes şehîd bûn.
Tê gotin ji kesên şehîd bûne, 3 bira ne.
Her wiha hinek jî birîndar bûn.
Hat gotin, ji şêniyên şehîd bûne navê yekê Demokrat Omer Îsmaîl e.
Cenazeyên şehîdan birin Nexweşxaneya Şeladizê.