Koalîsyona welatên Ereb a bi serkêşiya Erebistana Siûdî ragihand ku wan 3 mûşekên balîstîk ku Hûsiyan ji Sen’ayê ber bi Riyadê ve avêtibûn, anîn xwarê.
Koalîsyonê da zanîn ku şeva borî, wan êrîşeke hêzên Hûsî ya bi 8 dronên bombebarkirî jî, şikand.
Berdevkê fermî yê Koalîsyona welatên Ereb Turkî El-Malikî diyar kir ku ev êrîş bi rêbaz tên kirin û sivîlan dikin armanc.
El-Malikî teqez kir ku hêzên Hûsî, bi êrîşên xwe yên bi mûşek û dronên bombebarkirî, qanûnên navnetewî yên mirovî binpê dikin.
Tê zanîn, duh serokatiya hêzên hevbeş a koalîsyonê ragihandibû, ku hikumeta Yemenê û meclisa veguhêz, daxwaza rawestandina şer û pêkanîna peymana Riyadê, erê dikin.