26’ê Hezîranê, polîsên AKP’ê bi ser avahiya KCD’ê û malên siyasetmedaran de girt û 45 kes binçav kirin û di heman rojê de derîyê avahiya KCD’ê mohr kirin.
Ji wan 45 kesan Dayika Aştiyê Makbûle Ozbek û 22 kes bi îdîaya ‘endamtiya rêxistinê’ hatin girtin.
Nûnerên partiyên siyasî û rêxistinên civakî bertek nîşanî girtina van kesan û mohrkirina KCD’ê dan û xwestin li dijî operasyona KCD’ê têkoşîna hevpar xurt bikin.
Nûneran îşkenceya li Sevil Rojbin Çetîn hatiye kirin jî şermezar kirin û gotin: “Dewlet bi vê yekê peyamên nû dide.”
Operasyonên AKP’ê li dijî gel , endam, hevşaredar û parlamenterên HDP’ê, taybet ên kurd, dewam dikin.
Di 26’ê Hezîranê de polîsên AKP’ê bi ser avahiya KCD’ê û malên siyasetmedaran de girt û gelek kes binçav kirin.
Di heman rojê de avahiya KCD’ê jî mohr kirin.
Di çarçoveya lêpirsîna ku Serdozgeriya Komarê ya Amedê ya Tirk wê demê dabû destpêkirin, 45 kes hatin binçavkirin.
Ji wan kesan, Dayika Aştiyê Makbûle Ozbek jî di nav de, heta niha 23 kes bi îdîaya “endamtiya rêxistinê” hatine girtin.
Nûnerên partî û rêxistinan: Têkoşîna hevpar xurt bikin
Li dijî operasyonên qirkirina siyasî, girtinan û mohrkirina KCD’ê bertek zêde dibin.
Nûnerên partiyên siyasî û rêxistinên civakî bertek nîşanî mohrkirina KCD’ê dan û xwestin li dijî vê operasyonê, têkoşîna hevpar xurt bikin.
Di heman rojê de polîsan bi kuçikan bi ser mala Endama Lijneya Rêveberiyên Herêmî ya HDP’ê û aktîvîsta Tevgera Jinên Azad Sevil Rojbin Çetîn de jî girtin û îşkence lê kirin.
Nûneran îşkenceya li Sevil Rojbin hatî kirin jî şermezar kirin û gotin: “Dewlet bi vê yekê peyamên nû dide.”
