Şêniyên kantona Kobanê cenazeyê endamê Hêzên Asayîşê ya herêma Firatê Silêman Hemo bi merasîmeke girseyî oxir kirin.
Bi sedan şêniyên kantona Kobanê cenazeyê endamê Hêzên Asayîşê ya herêma Firatê Silêman Hemo yê ku li bendava Tişrînê dema erka xwe bi cih dianî şehîd bibû, bi merasîmekê li goristana Şehîd Dîcle spartin axê.
Li goristanê piştî merasîma leşkerî, li ser navê Meclisa Malbatên Şehîdan a Herêma Firatê û Hêzên Asayîşa Herêma Firatê axeftina hate kirin.
Kesên axivîn sersaxî ji malbata şehîd re xwestin û rola şehîdan di parastina destkeftiyên herêmî ji gefên derve de hate destnîşankirin.
Piştre nasnameya şehîd hate xwendin û radestî malbata wî hate kirin.
Cenazeyê şehîd bi diruşmeyên “Şehîd namirin” hate veşartin.
