Ev sê rojin şandeya Tevgera Azadî ya Civaka Kurdistanê bi serokatiya Hevserokê Tevgera Azadî Mihemed Abdullah li Bexdayê rêzehevdîtina pêktîne.
Tevgera Azadî ji bo xurtkirina peywendiyên dostane û ji bo bi hev re pirsgirêkên Iraqê çareser bikin serdana tevgerên Hîkme, Sedir û Koma Babîlon kir.
Herwiha rewşa xerab a xelkê û geşedanên dawî yên siyasî û ewlehiyê mijarek din a hevdîtinan bû.
Hevserokê Tevgera Azadî Mihemed Abdullah diyar kir ku di hevdîtinan de jihevfamkirin û nêrînek hevbeş derbarê çareserkirina pirsgirêkan de derketiye.
Mihemed Abdullah diyar kir ku aliyan bi nêrînek nû û cudatir hevdîtin kirine û nêrînên xwe bihev re parve kirine.