MSD’Ê TEQÎNA XWEKUJ A MINBICÊ ŞERMEZAR KIR

Meclisa Sûriya demokrarîk MSD û Meclisa Rêveber a Rêveberiya Xweser a Bakur û Rojhilatê Sûrî bi daxuyaniyên cûda teqîna ku duh li Minbicê pêk hat, şermezar kirin.

Aliyan sersaxî ji malbatên şehîdan re xwestin û diyar kirin ku ew ê heta dawiyê li dijî hovîtiya DAIŞ’ê şer bikin.

Meclisa Sûriya demokrarîk MSD’ê û Meclisa Rêveber a Rêveberiya Xweser a Bakur û Rojhilatê Sûrî bi daxuyaniyên cuda teqîna ku duh li Minbicê pêk hat, şermezar kirin.

Meclisa Sûriya Demokratîk di daxuyaniya xwe de wiha got:

Careke din çeteyên DAIŞ`ê di êrîşa xwekuj de terora xwe diyar kir û Minbica ewle kir hedef.

Hevalbendiya me bi Koalîsyona Navndewletî re encamên baş li tevahî Bakur û Rojhilatê Sûrî anî.

Divê ev hevalbendî berfireh bibe.

Em baş dizanin ku tunekirina çeteyên DAIŞ erkeke welatparêziyê û Sûrî ye.

Di heman demê de ewlehiya herêmê û cîhanê mîsoger dike.

MSD’ê teqez kir ku ew ê heta dawiyê ji bo tunekirina ÇETEYÊN DAIŞ û komên girêdayî wan tê bikoşin.

Dawiya daxuyaniyê Meclisa Sûriya Demokratîk MSD’ê sersaxî ji tevahî gelên Sûriyê re û ji bo malbatên şehîdên ku di teqîna xwekuj de şehîd bûne xwest.

Her wiha sersaxî ji gelê Emerîkayê re xwest û soz da ku ew û erka xwe ji bo tunekirina DAIŞ`ê pêk bînin.

MECLISA RÊVEBER A RÊVEBERIYA XWESER A BAKUR Û ROJHILATÊ SÛRÎ:
EM DAIŞ Û HEVALBENDA WÊ TIRKIYÊ ŞERMEZAR DIKIN

Meclisa Rêveber a Rêveberiya Xweser a Bakur û Rojhilatê Sûriyê jî êrîş şermezar kir û wiha got:

“Em êrîşa hovane ku ji aliyê hêzên tarî yên DAIŞ’ê û hevalbenda wê rejîma Tirkiyê ya faşîst ve hate kirin, şermezar dikin û sersaxî ji gel, hêzên xwe, malbatên şehîdan û gelê Emerîkayê û hêzên koalîsyonê re dixwazin û şîfaya lezgîn ji birîndaran re dixwazin.”

Meclisa Rêveber teqez kir ku têkoşîna hêzên wan ya li dijî terorê bi hemû rêbazan berdewam e.

Mijarên Girêdayi

Leave a Reply

Back to top button
Close
Close