Li herêmên hikûmeta Şamê, di 24 saetên dawî de hejmara herî bilind a pêketiyên bi vîrûsê ya rojane careke din hat ragihandin.
Wezareta Tenduristiyê ya hikûmeta Şamê bi daxuyaniyekê pêketina 45 kesan bi vîrûsa Coronayê ragihand.
Her wiha wezaretê eşkere kir ku 15 kesên din jî ji Coronayê baş bûne.
Bi van daneyên dawî re jî, li herêmên hikûmeta Şamê heya niha 892 kes bi Coronayê ketine, ji wan 283 baş bûne û 46 jî mirine.
Li gorî daneyên wezareta tenduristiyê, derdroa 60 ji sedî ji pêketiyên vîrûsê ji herêmên Şama paytext in.
