Şêxê eşîra El-Hos: Di vê pêvajoya hesas de hevgirtina eşîran pêwîstiyek e

Her ku diçe bertekên li dijî şehîdxistina şêx û sembolên pêkhateyên Bakur û Rojhilatê Sûrî zêdetir dibin. Şêx û rûspiyên Reqa,Tebqa û Şedadê li dijî van êrîşên bertek nîşan dan û diyar kirin ku ew ê heta dawî biştgiriya xwe bi QSD’ê re bidomînin. Şêxên van eşîran, li dijî fitine, planên dewleta Tirk û hikûmeta Şamê û ajandeyên derve banga hevgirtinê kir.

Şêxê eşîra El-Hos a Reqayê Ebdullhey Xelîl jî bal kişand li ser planên derve û got:

“Hêzên derve bi zanebûn herêmên Bakur û Rojhilatê Sûriyê dikin armanc û dixwazin tevlihêviyê di nava eşîr û pêkhateyan de derxînin û aramiya herêmê têk bibin.”

Şêx Ebdullhey Xelîl diyar ku ku divê xeteriya proje û siyasetên derve yên li dijî herêmê werin dîtin.

Şêx Xelîl bang li hemû eşîran kir ku divê ji ber vê pêvajoya hestyar, her kes baldar be û hevgirtina xwe xurtir bike.

“Dixwazin di navbera gel û QSD’ê de fitneyê derbixin”

Her wiha Hevserokê Nivîsgeha Partiya Yekîtiya Demokratîk a Şedadê Mihêdî El-Dexîm jî derbarê mijarê de nirxandin kir.

El-Dexîm destnîşan kir ku destê artêşa Tirk a dagirker di bûyerên ku li herêmê rû didin de heye.

El-Dexîm got:

” Ev gava tevliheviyê piştî operasyonên QSD’ê yên li dijî şaneyên DAIŞ’ê pêh hat.

Diyar e hin aliyên weke dewleta Tirk naxwazin aramî li herêmê pêk were.

Armanc ji hedefgirtina kesayetên sembol, ew e ku fitneyê di navbera eşîr û QSD’ê de derxin.

Dixwazin bidin nîşandan ku QSD’ê nikare herêmê biparêze.

Lê wê dewleta Tirk û aliyên ku tevliheviyê derdixînin, negihêjin armanca xwe.”

Hevserokê Nivîsgeha Partiya Yekîtiya Demokratîk a Şedadê di dawiyê de bang li hemû beşên civakê kir ku ji komployên artêşa Tirk a dagirker hişyar bin.

Back to top button