Hêzên Sûriya Demokratîk, piştî ku lêpîrsîna wan bi dawî bû îro 9 girtiyên ku zelal bû tevlî buyerên kuştinê nebûne li ser daxwaza eşîrên herêmê serbest berdan û radestî rûspiyên êlên Şedadê kirin.
Rûspiyê eşîra El-Bû Umeyra Sewadî El-Ebdullah diyar kir ku QSD’ê piştî bidawîbûna lêpirsînê, 9 girtî serbest berdan.
El-Ebdullah dsetnîşan kir ku QSD`ê li ser daxwazên rûspiyên êlên herêmê ew kes serbest berdane.
Her weha spasiya hêzên ewlekariyê yên herêmê û hevkariya wan bi êlên herêmê re kir.
Rêveberiya Xweser a Bakur û Rojhilatê Sûriyê, li ser bangên rûspiyên eşîrên Ereb ên herêmê, ji 2’ê Adara 2019’an, zêdetirî 500 girtiyên ku destên wan di rijandina xwîna gelê Sûriyê de tune bûn, serbest berdan.