HPG: Li Heftenîn û Çelê 8 leşkerên dewleta Tirk hatin kuştin

Li Heftanîn û Çelê di çalakiyên gerîla de herî kêm 8 leşkerên artêşa Tirk a dagirker hatin kuştin.

Navenda Ragihandin û Çapemeniyê ya HPG’ê li ser çalakiyê daxuyaniyek weşand û ev gahî parvekir.

Di çarçoveya Pêngava Şoreşgerî ya Cenga Heftanînê de gerîlayên YJA Starê 17’ê Tebaxê li dijî artêşa Tirk a dagirker a li qada Navsera Xantûrê çalakî kirin.

Di vê çalakiyê de derb li stargeheke artêşa tirk hate xistin û 7 leşker hatin kuştin.

Di çarçoveya Pêngava Şoreşgerî ya Şehîd Bager û Şehîd Ronya de heman rojê li navçeya Çelê ya Colemêrgê li dijî artêşa Tirk a dagirker a li ser Girê Şikêrê çalakî kirin.

Derbên giran li çeper û stargehên artêşa tirk hate xistin û leşkerek hate kuştin.

HPG’ê dazanîn ku ev çalakî ji bo bîranîna fermandar Agît Garzan û 2 fermandarên artêşa Iraqê yên pê re şehîd bûn hatin lidarxistin.

Back to top button