Yekîtiya Ewropayê ragihand ku 1 Îlonê li Viennayê, wê civîna nû ya Komîteya Hevbeş a taybet bi lihevkirina nuklerî ya bi Îranê re, dest pê bike.
Civîna endamên komîteyê wê bi serkêşiya Seroka Buroya Yekîtiya Ewropa ya siyaseta derve ، Helga Schmid li dar bikeve.
Her wiha wê nûnerên Çîn, Fransa, Almanya, Rûsiya, Birîtaniya û Îranê, beşdarî civînan bibin.
Pêncşemê borî, serokê dîplomatên Ewropayê diyar kir ku, ne ji mafê Amerîka ye ku mekanîzmeya Snap-bakê li dijî Îranê bi kar bîne, ji ber ew ne aliyekî lihevkirina nuklerî ye.
Rûsyayê jî hewldanên Amerîka, yên dirêjkirina cezayan li ser Îranê, metirsîdar dibîne.
