Îro bi sedan şêniyên Efrîn û Şehbayê cenazeyê şervanên YPG’ê Mihemed Mihemed (Diyar Efrîn) û Mihemed Mehmûd (Çiya Efrîn) yên ku di qonaxa duyemîn a Berxwedana Serdemê de şehîd bibûn bi merasîmekê oxir kirin.
Di merasîmê de şehadeta gerîlaya YJA –Star Sorxîn Amed a ku di berxwedana Heftenînê de şehîd bibû hate ragihandin.
Şêniyan piştî wergirtina cenazeyê şehîdên YPG’ê Diyar Efrîn û Çiya Efrîn ji nexweşxaneya Avrîn a navçeya Fafînê berê xwe dan goristana Şehîdan a navçeya Ehrisê.
Li goristanê piştî merasîma leşkerî, li ser navê Meclisa Malbatên Şehîdan, Meclisa Kantona Efrînê û Yekitiya Jinên Azad axeftina hate kirin.
Kesên axivîn sersaxî ji malbata şehîd re xwestin û soza şopandina riya wan dan.
Piştî axaftinan nasnameyên herdu şehîdan hatin xwendin û radestî malbatên wan hatin kirin.
Meclisa Malbatên Şehîdan nasnameya têkoşer Jolyana Xelo (Sorxwîn Amed) ya ku berxwedana Heftenînê şehîd bibû, ragihand û radestî malbatê kir.
Cenazeyê şehîdên YPG’ê Diyar û Çiya di nava tilîliyên dayikan û diruşmeyên dilsoziya bi şehîdan re hatin veşartin.
