Piştî navbeynkariya Tirkiyê, serokê hikumeta Wîfaqê ya Ixwanî Fayiz Serac, wezîrê hundirîn Fethî Paşaxa vegerand kar.
Fethî Paşaxa ku ji kar hatibû dûrxistin û li Tirkiyê bû, duh gihaşt avahiya hikumetê ya li Terablusê û rûniştina wî ya lêpirsînê pêk hat.
Li gorî dezgehên ragihandinê piştî rûniştina lêpirsînê, wezîrê karê hundirîn ê hikumeta Wîfaqê, vegeriya ser karê xwe.
27’ê Tebaxê Paşaxa, gef li çeteyên Serac xwaribû ku eger zirarê bigihînin jiyana xwepêşanderan, ew ê hêzê li dijî wan bikar bîne.
Piştî çend saetan ji daxuyaniya Paşaxa, El-Serac biryara dûrxistina wî ji kar da.
Tevgera gel a li Terablus û rojavayê Lîbyayê, banga berdewamkirina xwepêşandanan kir
Di heman demê de, tevgera gel a li Terablus û rojavayê Lîbyayê, banga berdewamkirina xwepêşandanan kir.
Tevgerê bang li gelê Lîbyayê kir ku îro li qada Şuheda’a ya Terablusê kom bibin û xwepêşandanên xwe yên li dijî hikumeta Wîfaqê ya Ixwanî dewam bikin.