Bi desthilata faşîst a AKP’ê re li Tirkiyê nijadperestî jî gihişt asteke metirsîdar.
Komeleya Mafên Mirovan (ÎHD) derbarê êrîşên nijadperest raporek amade kir.
Di raporê de hate diyarkirin ku di 10 salên dawîn de 280 êrîş pêk hatine û 47 goristan bûne hedef.
Navenda Giştî ya Komeleya Mafên Mirovan (ÎHD) rapora xwe ya bi navê ‘Li Tirkiyê sûcên nefretê û di demên dawîn de êrîşên nijadperest.” weşand.
Di raporê de hate diyarkirin ku derbarê sûcên nefretê, qanûn tune û ji ber vê jî di warê qanûnan de valahî hene.
ÎHD’ê diyar kir ku di 10 salên dawîn de 280 êrîşên nijadperest pêk hatine û êrîşî 47 goran hatine kirin.
ÎHD di rapora xwe ya ku weşandî de, balê dikişîne ser nîjadperestiya ku li bajarên tirkiyê û ev yek jî belge kirine.
Di raporê de hate diyarkirin ku divê êrîşên li ser etnîk, nasname û zayendî di çarçoveya pênasaya sûcê nefretê were diyarkirin.
Tirkiyeyê Protokola Nimreya 12’an a Peymana Mafên Mirovan a Ewropayê di 18’ê Nîsana 2001’an îmze kiriye lê ji ber ku di parlementoyê de nehatiye îmzekirin, neketiye meriyetê.
Divê ev rapor li parlementoyê were qebûlkirin.
Di raporê de hate gotin divê sûcên nefretê were diyarkirin, polîtîkaya bêcezatiyê ya li ser gotinên nefretê were bidawîkirin û çanda cezanedayinê were bidawîkirin.
