Erbistana Si’ûdî, sûcên şer ên dewleta Tirk ku li Efrîna dagirkirî pêk tîne, şermezar kirin.
Serokê beşê Mafên Mirovan di şandeya Si’ûdiyê li NY Miş’el El-Biliwî, di civînekê bi komîteya navdewletî re, derbarê binpêkirinên li Sûriyê ragihand ku kirinên dewleta Tirk li Efrînê, sûcên şer in.
El-Biliwî diyar kir ku di nav sûcên Tirkiye li Efrînê de, revandin, êşkence, destdirêjî û kuştin hene, li kêleka wê jî dizî û desteserkirina mal û milkên şêniyan bê serûber dewam dikin.
Serokê beşê Mafên Mirovan di şandeya Si’ûdiyê li NY bang li NY kir ku lêpirsînê derbarê van sûcan de veke û hesab ji sûcdaran bixwaze.