Endamê Konseya Rêveber a KCK`ê Rustem Cûdî di salvegera şehadeta xwe ya 9. de li Dirbêsiyê hat bîranîn.
Ji bo salvegera şehadeta Rustem Cûdî û hin şehîdên din ku di dem û li cihên cûda şehîd bûne merasîmek hat lidarxistin.
Merasîm li Goristana Şehîd Rustem Cûdî ya li Berkevirê yê navçeya Dirbêsiyê hat lidarxistin.
Di nav de hevserokê PYD’ê Enwer Muslim û endamê Meclisa Giştî ya PYD’ê Ebdulkerîm Saroxan gelek kes beşdarî merasîmê bûn.
Di merasîmê de hevserokê PYD’ê Enwer Muslim axivî û hemû cangoriyên azadiyê bîranîn û soza şopandina rêya wan heta pêkanîna civakeke azad da.
Enwer Muslim behsa şerê taybet ê ku dewleta Tirk li herêmê dimeşîne, kir û banga bilindkirina asta têkoşînê li hember vî şerî kir.
Merasîm bi berzkirina dirûşmên dilsoziya bi şehîdan re bi dawî bû.