Bertekên li dijî derketina şerê navxeyî berdewam in. Nêzî 30 partiyên siyasî û rêxistin kurd, ereb û suryan ên Bakur û Rojhilatê Sûriyê bi daxuyaniyeke hevpar der barê hewldanên li Başûrê Kurdistanê fikarên xwe anîn ziman û banga diyalogê kirin.
Partiyan di daxuyaniyê de fikarên xwe ji ber aloziya di navbera hêzên PDK’ê û PKK’ê de anîn ziman û ji bo ev alozî kûrtir nebe her du alî vexwendin aramiyê.
Di daxuyaniyê de hat gotin “Nakokiyên siyasî divê nebin sedema wêranbûna dozên gelan lê divê bibe sedema xurtkirina hêz û parastina wê di mercên herî dijwar de.”
Partiyan her wiha eşkere kir ku armanckirina rola Kurdî li herêmê wê xizmeta hemû aliyên dijberî doza demokratîk bike, di serî de Tirkiyê ku hewl dide pêşketina di xeta doza Kurd de asteng bike.
Herî dawî ji bo çareserkirina nakokiyan, partiyan, bang li hemû aliyan kir ku diyalogan esas bigirin, ji ber di şerê birayan de tu serkeftî nînin.
Partî û hêzên ku daxuyanî îmze kirine ev in:
- Desteya Tensîq a Niştimanî- Tevgera Guhertin a Demokratîk
- Partiya Yekitiya Demorkatî
- Partiya Aştîya Demoqrat a Kurdistanê
- Partiya Lîberal a Kurdistanê
- Partiya Komunîst a Kurdistanê
- Partiya Demuqrat a Kurd li Sûrî
- Partiya Demoqrat a Kurdî ya Sûrî
- Partiya Çep a Kurd li Sûriyê
- Partiya Çep a Demokrat a Kurd li Sûrîyê
- Partiya Kombûna Niştimanî ya Kurdistanî
- Partiya Guhertina Demoqrat a Kurdistanê
- Partiya Nûjen a Kurdistanê
- Partiya Kedkarên Kurdistanê
- Desteya Niştimanî ya Erebî
- Partiya Nûjen a Kurdistanê-Sûriya
- Partiya Kesk a Kurdistanê
- Partiya Rêkeftin a Demokratî
- Tevgera Çaksazîyê-Sûriya
- Partiya Demokat a Kurd li Sûriyê
- Partiya Asûr a Demorkatîk
- Partiya Biratî ya Kurdistanê (PBK)
- Partiya Roj a Demokratîk li Sûriyê
- Yekitiya Niştimanî ya Azad-Rojava
- Tevgera Civaka Demorkatîk
- Kongreya Star
- Partiya Muhafizkaran a Demokratîk
- Partiya Têkoşîna Demokratîk
