PARTIYÊN KURD BI CIVÎNEKE AWERTE LI QAMIŞLO LI HEV CIVIYAN

Partiyên Kurdan îro hatin ba hev û aloziya li Sûriyê û yekîtiya neteweyî nîqaş kirin.

Piştî civînê daxuyaniyeke hevpar hate dayîn.

https://anfkurdi.com/rojava-sUriye/partiyen-kurdan-aloziya-li-suriyeye-u-yekitiya-neteweyi-niqas-kir-109503

Partiyên Kurdan îro civîneke awarte li bajarê Qamişlo li dar xistin û der barê vê civînê de daxuyanî dan.

Di daxuyaniyê de ev tişt hatin gotin:

“Hêz û partiyên Kurdan civînek awarte li dar xistin.

Beşdaran dozên siyasî li ser asta Sûriyeyê bi giştî û herêmên Kurdan bi taybet nîqaş kirin.

Di civînê de helwestên hêzên têkildarî aloziya Sûriyê û pirsgirêkên ku li pêşiya çareseriya aştiyane dibe asteng, hatin nîqaşkirin.

Her wiha hate gotin hêzên niştimanî û demokratîk ên Sûriyê di nav de, hêzên Kurdan jî ji bo çareserkirinê di nava xebatê de ne.

Beşdaran her wiha li ser tinekirina DAIŞ’ê li bajaroka Baxozê û xebatên piştî tinekirina DAIŞ’ê nîqaşkirin, her wiha rola Hêzên Sûriyeya Demokratîk, YPG û YPJ’ê û Koalîsyona Navdewletî silav kirin.

Beşdaran diyar kirin ku pêwîst e rêjîma Sûriyeyê daxwazên gelê Sûriyê bi cih bîne, bi taybet daxwazên nenavendîbûyînê, avakirina dewleteke demokratîk, niştimanî û destûrek ku mafê gelê Kurd û hemû pêkhateyên dîtir biparêze.

Beşdaran bang li civaka navdewletî kirin ku dewleta Tirk û çeteyên wê li ser sûcên wê yên li dijî gelê Efrînê darezîne.

Hêzên ku daxuyanî dane ev in:

-Hevbendiya Niştimanî a Kurd li Sûriyeyê

-Tevgera Civaka Demokratîk

-Partiya Demokratîk a Kurd li Sûriyeyê

-Partiya Çep a Kurd li Sûriyeyê

-Partiya Kesk a Kurdistanê

-Partiya Aştiya Demokratîk a Kurdistanê

-Partiya Guhertin a Kurdistanê

-Partiya Yekîtiya Karkarên Kurdistanê

-Partiya Lîberal a Kurdistanê

-Partiya Nûjen a Kurdistanê

-Partiya Demokratîk a Kurdistanê (El-Partî)

-Partiya Kombûna Niştimanî ya Kurdistanê

-Şepêla Pêşerojê ya Kurdistanê”

Leave a Reply

Back to top button