Li Hema û Idilbê, di navbera hêzên hikumetê û çeteyên dagirkeriya Tirk de şer gur dibe, li çolistana Dêrazorê 28 leşkerên hikumtê hatin kuştin û birîndarkirin.
Çavdêriya Sûrî ya Mafên Mirovan ragihand ku îro, hêzên hikumeta Şamê deverên Kensefre û Kefer Iweyd yên li Cebel El-Zewiyê topbaran kirin
Duh piştî nîvê şevê jî, li eniya Xirbit Naqus a li Sehil El-Xab a bakur rojhilatê Hemayê, şer di navbera hêzên Hikumeta Şamê û çeteyên dewleta Trik derket.
Li gundewarê Başûrê Idlibê jî, hêzên hikumetê herêmên Fitêra, Filêfil û Sifûhin topbaran kirin.
Di heman demê de şer di navbera her du aliyan li enya gundê Filêfil derket.
Li çolistana Dêra Zorê 28 leşkerên hikumetê hatin kuştin û birîndarkirin
Li aliyê din, Çavdêriyê dazanîn ku di navbera çeteyên DAIŞ’ê û hêzên hikumeta Şamê li çolistana Meyadîn ya li gundewarê rojhilatê Dêrazorê şer derket.
Li gorî çavdêriyê, di encama pevçûnê de 11 leşkerên hikumetê hatin kuştin û 17 jî birîndar bûn.
