Zanîngeha Kobanê ji ber qedexeya derketin bi riya sîstema onlaynê perwerda xwe dewam dike

Zanîngeha Kobanê ji ber qedexeya derketina; careke din bi rêya sîstema onlinê perwerdeya xwe dewam dike.

Cîgirê Hevserokê Zanîngeha Kobanê Şervan Muslim diyar kir ku rêveberiya zanîngehê, xwendekar û mamoste li ser bernameya onlinê, perwerde kirin.

Şervan Muslim anî ziman ku bi rêya bernameyên taybet her mamosteyek çavdêriya xwendekarê xwe dike û her hefte bi xwendekarên xwe re diaxivin û li pirsgirêkên wan guhdarî dikin, da ku çareser bikin.

Li gorî cîgirê hevserokê Zanîngehê, perwerde vê carê ji cara yekemîn baştir dimeşe û encamên baş têne bidestxistin.

Jiwe, Desteya Tenduristiyê ji ber belavbûna vîrûsa Coronayê li herêma Firatê qedexeya giştî ragihandibû.

Back to top button