Nûnerên baweriyên Xiristiyan, Hewramanî, Feylî, Yarsan, Êzidî, Misilman, Elewî beşdarî paneleke Platforma Baweriyên Mezopotamyayê bûn û ji bo parastina Şengalê bang kir.
Platforma Baweriyên Mezopotamyayê, nûnerên civakên baweriyên Mezopotamyayê li hev kom kir û panelek li dar xist.
Nûnerên Xiristiyan, Hewramanî, Feylî, Yarsan, Êzidî, Misilman û Elewî bi rêya enternetê beşdarî panelê bûn.
Di panelê de hate gotin ku dewleta Tirk a dagirker bi rêya nokerên xwe li Şengalê li pey lîstikên nû ye.
Beşdarên panelê diyar kir ku Şengal ne tenê ji bo Êzidiyan e û divê ji bo baweriyan hemûyan bibe xeta sor.
Nîqaş jî hat kirin ku li dijî planên ser Şengalê û civaka Êzidî divê têkoşîneke çawa bê meşandin.
Nûnerên civakên baweriyên Mezopotamyayê bang li bawermendan hemûyan hate kirin ku ji bo Şengalê hesas û baldar bin.
Beşdarên panelê:
Hevserokê Meclisa Xweseriya Demokratîk a Şengalê Heso Îbrahîm
Hevserokê Navenda Yekîtiya Komeleyên Êzidiyan a li Almanyayê (NAV-YEK) Hacî Çelîk
Ji rûspiyên Êzidiyan Şêx Loqman
Ji rûspiyên Misilmanan Şêx Mûrşîd Xeznewî
Hevserokê Yekîtiya Suryaniyên Iraqê Yûsûf Yakûb Matte
Hevserokê Federasyona Elewiyan a Demokratîk Demîr Çelîk
Pîra Elewî Mele Ûgûr Pîr Ana
Rûspiyê Elewiyan Mehmet Yaman Pîr
Nûnerê Yarsanan Sasan Mêhrabî
Nûnerê Civaka Îslamî ya Kurdistanê (CÎK) Mele Dawût
Nûnerê Civaka Baweriya Feylî ya Ewropayê Mehemed Norî
Nûnerê Platforma Horam Zerdeşt Horamî
