Bertekên Şengaliyan li dijî planên ser Şengalê zêdetir dibe, Şengaliyan destnîşan kir ku pêdiviya wan bi hêzên din tune ye, rêveberî û hêza wan a parastinê heye.
Şengaliyan diyar kir ku ti hêvî û baweriya wan di hêzên ku şêniyê xwe li ber komkujiyan hiştiye, tine ye, wê dîsa wan li hember komkujiyan bihêlin.
Piştî vekişîna hêzên Iraq û pêşmergeyên PDK’ê ji Şengalê, Tebaxa 2014’an şengalî di nav pencên qirkirinê yên DAIŞ’ê de man.
Êzidiyan xwe bi xwe bi rêxistin kir, YBŞ’ê ava kir û bi alîkariya HPG’ê di 2015’an de Şengal bi tevahî ji destê çeteyên DAIŞ’ê rizgar kir.
Piştî 6 salan ji rizgarkirina Şengal û damezrandina Rêveberiya Xweser û hêzên wê, PDK, Tirkiye û Iraq dixwazin derbasî Şengalê bin.
9’ê Cotmehê PDK, Tirkiye û Iraqê ji bo destketiyên êzidiyan têk bibin, peymanek li dijî Şengalê Îmze kirin û 25’ê Mijdarê jî artêşa Iraqê hêzên xwe derbas derora Şengalê kir.
Şengalî jî vê peymanê weke komployekê û berdewama êrîş û komkujiyên DAIŞ’ê dibînin lewra jî qebûlo nakin.
Şengaliyê bi navê Salih Reşo anî ziman ku ii hêvî û bawerî di hêzên ku şêniyê xwe li ber komkujiyan hiştiye, tine ye, wê dîsa wan li hember komkujiyan bihêlin.
Şêniyên Şengalê: Pêwistiya me bi hêzeke din nîne
Şengaliyê bi navê Silêman Xelef diprise û dibêje gelo hêzên PDK û Iraqê di dema qirkirina de li ku bûn, wan Şengal li beramber komkujiyan hişt, niha pêdivî bi wan tineye.
Şêniyên Şengalê: Li dijî Êzidiyan komploya heye
Her wiha Murad Şengalî jî da zanîn ku hikumeta Iraq û PDK’ê dixwazin xwe li çiyayên Şengalê bi cih bikin, lê belê ev ne pêkan e.
Şengalî peymana PDK û Iraqê weke komploya têkbirina êzidiyan bi nav kir û piştrast kir ku vê carê ti kes nikare civaka êzidî têk bibe, ji ber li gel wan hêzek heye, şêniyên Şengalê pişta hêzên xwe bernadin.