Şandeya KNK’ê ji bo pêşî şerê navxweyî ku PDK dixwaze bi piştgiriya dewleta Tirk derxîne bigre, hevdîtinên xwe yên li başûrê Kurdistanê didomîne. Şandeya KNK’ê îro serdana Partiya Jiyana Azad a Kurdistanê-PJAK û KODAR’ê kir
Xebatên KNK’ê yên ji bo pêşîgirtina şerê navxweyî ku PDK niha amadekariya wê dike ku derxîne, dewam dike.
Şandeya KNK’ê di vê çarçoveyê de serdana, Partiya Jiyana Azad a Kurdistanê PJAK û KODAR’ê kir.
Di hevdîtinê de qala yekîtiya neteweyî, pêşîlêgirtina şerê navxweyî û parastina destkeftî û berjewendiyên gelê Kurd hate kirin.
KODAR û PJAK’ê piştgiriya hewldanên KNK’ê yên di vê mijarê de kir.
Hevseroka KODAR’ê Gulan Fehîm got; “Pêwîste gelê Kurd bi hevre li dijî dijmin û êrişan têkoşînê bikin.
Gulan Fehîm bal kişand li ser yekîtiya neteweyî û wiha domand; “Bûyerên niha yên li Kurdistanê yekîtiyê ferz dike. Divê ji bo çarenûsa gelê Kurd û yekîtîya neteweyî gavên mezin werin avêtin.
Gulan Fehîm diayar kir ku ew wek tevgereke Apocî ji bo pêşîlêgirtina şerê navxweyî yê di navbera Kurdan de amadane erk û berpirsyartiya xwe ya ji bo yekîtiya neteweyî pêk bînin
Hevserokê KNK’ê Ehmed Qeremus jî diyar kir ku gelê kurd şerê navxweyî naxwaze û li dijî her hêzên şerxwaz xwedî helwest e û got:
“Em hêvîdarin di hevdîtinên xwe yên li gel hizbê Kurdistanî de bersivek pozîtîv û baş ji bo pêşîlêgirtina şerê navxweyî bigirîn.”