Li gundewarên Laziqiyê û Idlibê, 2 leşkerên hikumeta Şamê hatin kuştin

Li gundewarên Idlib û Laziqiyê, 2 lêşkerên hêzên hikumeta Şamê hatin kuştin.

Navenda Çavdêriya Sûrî ya Mafên Mirovan ragihand ku di encama êrîşên çeteyên Tirkiyê li ser nuqteyên hêzên hikumetê li eniya Cebel El-Tirkmen li Bakurê gundewarên Laziqiyê û li eniyên Kefer Nûbilê li Başûrê Idlibê, 2 leşkerên hêzên hikumetê hatin kuştin.

Çavdêriyê diyar kir ku şer û pevçûnên hêzên hikumetê û çeteyên Tirkiyê li bajarokên başûrê Idlibê jî li dar in.

Her wiha û li gorî heman çavkaniyê, hat diyarkirin ku duh serê sibehê hêzên hikumetê û çeteyan bi giranî li rojavayê Helebê êrîşî hev kirin.

Artêşa Tirk nuqteyên leşkerî yên din li Cebel El-Zewiyê ava kir 

Çavdêriyê Sûrî ya Mafên Mirovan ragihand ku artêşa dagirkeriya Tirk nuqteyek leşkerî ya din li başûrê bajaroka El-Bara ya başûrê Idilbê ava kir.

Nuqteya nû nêzî enyê şer a bi hikumeta Şamê re ye.

Çavdêriyê daznîn ku hejmara cihên ku artêşa Tirk a dagirker li Idilbê ava kiriye, 73’ê ne.

Back to top button