Di xwepêşandana îro ya li navçeya Kelar a Germiyanê de 3 rojnamegerên ku xwepêşandan dişopandin hatin binçavkirin. Sendîkaya Rojnamegerî binçavkirina rojnamegeran şermezar kir.
Ji ber şopandina xwepêşandana îro ya li navçeya Kelar a Germiyan a ji bo maf û edaletê nûçegihanê Kanala Peyam Hewar Mihemed, kamarevanê heman kanalî Ako Cuma û nûçegihanê Radyoya Deng Mihemed Mehmûd hatin binçavkirin.
Berpirsê Şaxê Sendîkaya Rojnamegerî ya Kurdistanê Dilêr Kerîm têkildarî binçavkirina rojnamegeran ji Rojnews’ê re axivî û got;”Em bi tundî binçavkirina rojnamegeran şermezar dikin.
Em nêzîkbûna hêzên ewlehiyê ya li beramberî rojnamegeran nerewa dibînin. Ji ber ku erka rojnamegeran şopandina bûyer û gihandina rastiyane.”
Nûçegihan û kamerevanên Kanala Peyam hatin berdan, lê hîn nûçegihanê Radyoya Deng di bin çavan de ye.