Endamên meclisa PYD’ê ya Libnanê bi daxuyaniyekê, girtina hevseroka KCD’ê Leyla Guven şermezar kir.
Di daxuyaniyê de PYD’ê destnîşan kir ku “Rejîma dîktator ji tevgera jinan û jinên azad ên rêxistinkirî ditirse, ji ber vê yekê êrîşên tund li dijî wan pêk tîne.”
PYD’ê bi bîr xist ku Leyla Guven bi salan e di nava têkoşînê de ye û li hemberî gefên rejîma faşîst û êrîşên wê li ber xwe dide.
Di daxuyaniyê de hat destnîşankirin ku hikumeta desthilat bi rêbazên tunekirina destkeftiyên gelên têkoşer û çand û baweriya wan, wê nekaribe vîna gelan li Tirkiye û derveyî wê têk bibe.
Hevseroka KCD’ê Leyla Guven 21’ê Kanûnê ji aliyê hikumeta faşîst AKP’ê ve hat girtin.
