Guhartina demografîk pêk tê, ne tenê li Efrîn, li hemû herêmên ji aliyê Tirkiyê ve hatine dagirkirin. Çeteyên Tirkiyê bi darê zorê şêniyan koç dikin û li şûna wan malbatên xwe bi cih dikin. Koçberên ji Serê Kaniyê dibêjin ku ji roja destpêkê ya bajêr de, Tirkiyê malbatên DAIŞî bi cih kirine.
Bi darê zorê ji malê xwe tên derxistin û koçkirin û li şûnê malbatên çeteyan tên bicihkirin.
Ev siyaset, êdî li Serê Kaniyê jî tê dîtin.
Berî niha me ev rêbazê ku teşeyekî guhertina demografî ye, li Efrînê jî dîtiye.
Li Serê Kaniya dagirkirî, malbatên çeteyên DAIŞ’ê yên Iraqî bi cih bûne û nasname ji wan re hatine derxistin.
Herî dawî Meclisa Herêmî ya girêdayî dewleta Tirk li bajarê Serê Kaniyê biryarek ji bo derxistina nasnameyan ji penabarên Iraqî re dabû.
Hevserokê Şaredariya Gel a Serê Kaniyê Luqman Îsa ev yek piştrast kiribû, ku ev malbat di ser Tirkiyê re derbas bûne û niha nasnameyan didin wan.
Koçberên ji herêmê tînin ziman ku ji roja destpêkê ya dagirkirina bajêr de, malbatên DAIŞê di malê wan de hatine bicihkirin.
Berî niha me ev siyaseta Tirkiyê ya qirêj ji devê koçber Leyla bihîst.
Şêniya bi navê Zozan Hisên jî ku ew jî koçbereke Serê Kaniyê ye, dibêje:
Tirkiye bi darê zorê ew ji malên wan derxistiye, da ku çeteyên xwe li şûnê deyîne.
