Artêşa Tirk a dagirker û çeteyên wê gundên herêmên Şehba û Efrînê bi dijwarî topbaran kirin.
Îro derdora saet 1’ê piştî nîvro, artêşa Tirk û çeteyên wê gundên Semûqa û Herbel û bendava Şehbayê yên Şehbayê bi dijwarî topbaran kirin.
Artêşa dagirker gundên Merenaz, Malikiyê û Şiwarxa yên Efrînê jî topbaran kirin.
Derbarê encama êrîşan de agahiyên zelal nehatin bidestxistin.
Duh di seatên şevê de jî, artêşa Tirk gundên Mişêrfê û Cehbel ên navçeya Eyn Îsayê careke din topbarankirin.
Hemwextî êrîşa dagirkeran li ser gundên navborî, rêya M4 jî bi dijwarî hat hedefgirtin.
