Parlamena Ewropî teqeziyê li ser girîngiya rêzgirtina mafên mirovan li Tirkiyê dike û dubare banga serbestberdana Demîrtaş dike.
Parlamena Ewropî di civîna xwe ya duh de, mercek danî pêşiya Enqereyê da têkiliyên xwe bi pêş bixin, ew jî rêzgirtina mafên mirovan e.
Parlamenê dîsa banga serbestberdana Hevserokê berê yê HDP’ê Selahedîn Demîrtaş bilez û bêyî ti mercan kir û anî ziman ku ji çaxa girtina wî sala 2016’an , ew ji mafên xwe yên sereke bêpar maye.
Parlamena Ewropî teqez kir jî ku Demîrtaş di girtîgehê de, rastî danûstandineke ne baş tê.
Ev helwest, li gel danûstandinên cihê yên navbera Wezîrê Derve yê YE Josep Borrell û hempîşeyê wî yê Tirk Çavuşoglu li Brukselê hat.
YE duh û îro rêzcivînan der barê aloziya navbera herdu aliyan de li dar dixe.
Parlamena Ewropî jî bi awayekî cihê, mijara mafan li Tirkiyê digire dest.
