Hevserokê MSD’ê Riyad Derar diyar kir ku encamên hemû civînên Astanayê xeta şoreşa Sûriyê guhart û destnîşan kir ku komîteya destûrî binketî ye û tenê temenê hikumeta Şamê dirêj dike.
Hevserokê Meclisa Sûriya Demokratîk-MSD Riyad Derar da zanîn ku ku, operasyonên sivikkirina şer û parçekirina Sûriyê, bi rêya gerên Astanayê û bi rêya tesfiyekirina opozisyonên çekdarî pêk hat.
Li dirêjahiya 4 salan, ji bo dîtina çareseriyekê ji aloziya Sûriyê re, 15 gerên civînên Astanayê li dar ketin.
Li şûna ku ev civîn çareseriyekê ji aloziya gelê Sûriyê re peyda bikin, berjewendiyên Rûsya, Tirkiye û Îran li Sûriyê pêk anîn û dagirkirin rewa kir.
Hevserokê Meclisa Sûriya Demokratîk-MSD Riyad Derar got:
“Çeka ku ket dest opozisyonê, bû hêmanê guhertina wêneya rasteqîn a opozisyona ku bi demê re veguherî wêneyeke terorîst û hişt ku cehwerê wê biheje.
Ev yek encamên lawaziya têgihiştina opozisyonerên Sûrî û nesazbûna xebatê wê ye.”
Derar diyar kir ku di nava pergala MSD’ê de, wan mekanîzmeyeke ji ya opozisyonê cudatir hilbijartiye, ji ber vê yekê di qada navneteweyî de wekî naskirin pê çêbû, lê dîsa jî ne li gorî ku tê xwestin e.
Hevserokê MSD’ê anî ziman ku bi avakirina Rêveberiya Xweser re rûyê rastîn ê Sûriya pêşerojê û Sûriya nû diyar bû, lewra Astana her tim li dijî vê projeyê disekinî û wê wekî projeya parçekirinê bi nav dikir.
Riyad Derar: Komîteya destûrî temenê hikûmeta Şamê dirêj dike
Komîteya destûrî ji encamên gerên Astanayê ye, ji berê ve di bingeh û encamên xwe de heta niha binketî ye.
Derar dibîne ku Komîteya destûrî, demê dide rejîmê da ku ber bi hilbijartinên serokatiyê ve biçe, ev hilbijatin jî dê bi xwe re temenê hebûna hikumetê dirêjtir bike û hikumê serokatiya wê nû bike û bi vî awayî dê careke din bibe serkêşê gefxwarina li gel û betalkirina şoreşa wî.
Hevserokê MSD’ê Riyad Derar anî ziman ku şoreşa Sûriyê bû derseke binketî û hat xwestin ku gel girêdayî ajandeyan be û dûrî siyaseta ku banga azadî rûmetê dike, bikeve.
